ONTDEK

ONTDEK is ons proses vir mense wat lidmaatskap by ons gemeente oorweeg of wil inskakel by een van ons vennote spanne wat op verskillende plekke in ons gemeente dien. Dit is'n 4 weke proses waardeur ons jou neem om te ONTDEK wie ons as gemeente is, wat ons oortuigings is, hoe ons werk, hoe jy gevorm is en hoe jy deel kan word om 'n verskil te maak.

Die 4 stappe kan soos volg opgesom word:

Stap 1:
Ontdek Familie

Stap 2:
Ontdek Groei

Stap 3:
Ontdek Jou Ontwerp

Stap 4:
Ontdek Jou Rol en Funksie

Ons wil hê jy moet nie net 'n gas en besoeker by ons gemeente wees nie, maar deel van die familie van die kerk. Kom ontdek wie ons as kerk is, wat ons glo, hoe dinge werk en hoe ons die kerk organiseer.
Geestelike groei is moontlik en nodig vir elke gelowige. Kom ontdek watter gewoontes jy kan kweek wat jou sal help om 'n volgende stap te neem in jou geestelike resis sodat God jou meer en meer kan verander.
Begin 'n reis om jou doel te bepaal deur te ontdek hoe God jou gevorm het om 'n verskil te maak in ander mense se lewens. Ontdek jou gawes, passies, vermoëns, persoonlikheid en ook hoe jou ervarings ander mense kan help.
Ontdek op watter manier jy 'n verskil kan maak by ons gemeente en waar daar geleenthede vir jou is om jou doel en passie uit te leef.

Begin jou Ontdekkingsreis

Registreer hier vir  Ontdek wat op  16 FEBRUARIE by die KERK begin.

Bywoning by die kerk Sondae om 16h30
Registreer hier

Registreer hier vir AANLYN Ontdek wat op 16  FEBRUARIE op ZOOM begin.

Bywoning deur Zoom Sondae om 16h30
Registreer hier
Druk op die onderste skakel om vir toekomstige Ontdek sessie te registreer deur middel van ons Kalender.
Kalender

ONTDEK STUDIES

Soos jy deur ONTDEK gaan, gaan jy heel moontlik nog ander vrae ontwikkel oor sekere temas en oortuigings van ons gemeente. Jy gaan dalk in meer detail na sommige temas wil kyk en dit self  bestudeer soos jy deel raak van hierdie geestelike familie. Ons wil jou help om nog verder op hierdie reis te gaan sodat jy nog  meer stappe in jou geestelike groei kan gee. Dit is waaroor Ontdek Studies gaan. Ons gaan gereeld studies byvoeg om jou te help in jou Ontdekkingsreis.

Huidige Studies